忌廉瑞士卷

已開始慢慢摸熟4S嘅皮性，所以暫時都能做到理想嘅瑞士卷。4S焗蛋糕同水波爐吾同，同普通焗爐亦吾同，所以每款蛋糕都要試多幾次。

香芋卷

今日終於做左條香芋卷，都算似模似樣呀！雖然吾係滿分，但都有90分呀！哈哈。

吾知係咪蛋糕太厚，又或者芋蓉太實，定捲得吾夠溫柔？點解會有裂痕呢？

最近開始同4S熟絡，已熟識佢嘅皮性，所以呢幾次都做到穩定／鬆軟／理想嘅效果，最重要係冇再下塌或回縮呀！希望可以繼續保持水準。

橙皮醬奶油瑞士卷

嘩，好耐冇整卷啦！耐到都吾記得幾時啦！哈哈。

今日放假，想搵D嘢做吓，於是就諗起整瑞士卷，因簡單得嚟又冇咁普通呀！

第一次用4S做瑞士卷，估吾到效果又幾好喎。記得之前用水波爐，每次焗襯瑞士卷，都會焗時個面漲起，然後又會甩皮，所以永遠都冇面見人，只能做反卷。

見到今日嘅成果，真係有D興奮呀！以後又可以做多D卷啦！

瑞士卷（燙麵法）

瑞士卷其實我做得吾多，而燙麵法更從未試過。今次初體驗，就嚟試整卷，真係有d驚驚呀！諗住吾想咁單調，所以加左少少班點（可可粉），將原味瑞士卷變成班點瑞士卷，哈哈。

好彩出嚟效果都吾錯，下次可以試吓用燙麵法嚟整棉花蛋糕，睇吓效果有冇分別先。

＊因為今次係實驗性質（驚失敗），所以冇影到相（步驟），

材料：（25 x 35 cm）

蛋黃糊：
蛋黃　　　4個
砂糖　　　50g
菜油　　　40g
牛奶　　　80g
低筋粉　　80g

蛋白霜：
蛋白　　　4個
砂糖　　　30g
鹽　　　　1/16茶匙

餡：
甜忌廉　　100g
（*或淡忌廉，份量：忌廉100g + 糖粉10g）

做法：

1. 甜忌廉打至企身，放雪櫃備用。
2. 菜油叮一分鐘，然後加入已篩低筋粉拌勻至有粉粒，加入牛奶拌勻。
3. 蛋黃加糖拌勻，加入（2）內拌勻，
4. 蛋白加鹽低速打散，然後轉高速打至泡沫狀，將糖分2-3次加入打勻，直至濕性泡沫（測試：打蛋棒提起，棒端有三角長尾巴倒勾），再轉低速打一分鐘。
5. 將1/3蛋白霜加入蛋黃糊內拌勻，然後再倒回蛋白霜內拌勻。
6. 焗盤鋪上牛油紙，然後倒入蛋糕糊，掃平，在檯面凳兩下（拍走空氣）。
7. 放入已預熱160度焗爐，焗20分鐘。
8. 出爐後脫模放上烤架（蛋糕面向上），將四邊牛油紙撕開。
9. 蛋糕面放上一張牛油紙，面再放上一個烤架，然後反轉。
10. 取走烤架，將牛油紙撕走（蛋糕底向上），再蓋回蛋糕上放暖。
11. 放暖後，將蛋糕先捲一次，稍作定型。
12. 將蛋糕卷平放好，塗上一層忌廉餡（收口留2cm不要塗），然後捲起，用牛油紙包實，放雪櫃雪兩小時即可。

紫薯忌廉瑞士卷

嘩！耐到都吾記得幾時整過啦！總之就好耐啦！經翻查後，原來已是2016年11月啦！嘻嘻。

記得第一次做瑞士卷，就係班蘭瑞士卷，果次比左我好大成功感，於是就繼續做吾同口味，真係百吃不厭。

今日突然好想食瑞士卷，咁啱屋企有盒甜忌廉，又有條紫蕃薯（尋晚烚左冇食），所以我就將佢地溝埋做左一條瑞士卷啦！

其實今次份量好隨意，因甜忌廉有甜味，而紫蕃薯亦有甜味，所以個餡我無加到糖，清清地少少甜，但如果鍾意多甜，當然可以適量加糖啦！

麥提莎瑞士卷

今日清雪櫃，發現仲有少少淡忌廉同少少麥提莎醬，所以就用嚟整左個麥提莎忌廉啦！但由於份量吾多，吾夠做到一個忌廉蛋糕，所以唯有整左個卷啦！

當捲好後，就包裏放入雪櫃定型，未等到切解封包裝前，就要帶左佢出街送禮啦！所以今次影吾到張靚相post添。

材料及做法可參考：（紫薯瑞士卷做法）

餡：
淡忌廉120g
麥提莎醬4湯匙

做法：
將淡忌廉打至十成企身，加入麥提莎醬打勻，放雪櫃備用。

香蕉朱古力瑞士卷

屋企有隻梅花到好樣衰嘅香蕉，但得一隻又吾夠整香蕉鬆餅喎，於是亂咁嚟整左呢個瑞士卷啦！

其實香蕉同朱古力真係又幾夾架，所以應該吾會出事嘅！

哈哈，估估吓作品，又幾好味喎。

紫薯瑞士卷

阿女同朋友去左澳門玩兩日，我就留響屋企玩兩日。尋日整左梅菜扣肉同紅豆餡，今日就整左大福同呢個紫薯瑞士卷。

話說上星期日，同阿女食完元氣壽司，跟住經過東海堂，佢拉住我入去，話想食紫薯竹灰蛋糕（優惠$80條），睇睇吓又話冇乜特別，都係吾食。

之後，我話自己整都得啦！買斤蕃薯加埋蛋糕材料都只不過係十幾蚊，足真材實料添。

我做人講口齒架，話左做就做。好，開工啦！

特濃朱古力瑞士卷

呢個食譜搞左好耐，9點9搞到依家，足足打左幾次，都吾知點解post吾到，激死人。

今次比較詳細介紹步驟，看圖都應該識做啦掛！

紫薯芒果忌廉瑞士卷

我這個瑞士卷新人皇，還未掌握到捲的方法，可能係焗嘅過程或方法出錯？又或者係材料份量出問題？相信還要有待研究研究。。。

不過，如要求吾高嘅話，應該都可以收貨掛！

花生瑞士卷

瑞士卷真的很多變化，而且仲食得冇咁罪惡（呃自己）。每次想整瑞士卷，都會睇吓屋企有咩材料先，然後再決定點配搭。今日自創口味係花生卷，用左花生醬做蛋糕體，而餡就塗左甜忌廉。下次可以試吓原味蛋糕配花生醬忌廉餡，味道應該都吾錯。

榛子朱古力咖啡卷

最近愛上卷，仲要每次都冇重複。我最鍾意玩新鮮感，亂配搭得嚟又要夾，覺得自己都幾叻（好自大）。

香芋卷

之前阿女去台灣旅行，阿仔落 order 叫佢買芋頭蛋糕返嚟，話食過好味。

阿女亦好聽話咁買左幾款芋頭食品返嚟，有芋頭酥，芋頭蛋糕等。

試過後，芋頭酥只是一般，而蛋糕又真係幾好，仲好足料添，不過應該都落左不少添加劑。

最近學整卷，不如就將芋頭蛋糕化作落卷度試吓啦！

班蘭瑞士卷

第一次學人做瑞士卷，當然要揀個特別Ｄ啦！冇理由做個原味咁行貨嗎！

本來諗住買定班蘭葉看門口，隨時可以用嚟整拉爺糕，依家唯有變一變念頭，嚟個一班兩味啦！班蘭戚風蛋糕應該大家都食過，瑞士卷做法又試過未呢？

話晒都係我嘅第一次（捲），成績都吾錯喎（自大逛）！我比自己90分，留番10分進步空間。