古早蛋糕（4S）

再來古早，一樣的食譜，換左個深模，出嚟真係高大靚仔D喎，只可惜因為影相果兩分鐘，遲左少少出爐，就搞到個蛋糕面爆左添。

古早蛋糕

今日4S終於可以成功做到古早蛋糕啦！

自從換左4S後，焗蛋糕嘅方法，已經吾可以跟正常咁做啦！以前焗爐同水波爐都做到，但吾代表4S做到架。所以4S焗蛋糕，真係令人好氣餒。

今次都係放膽試吓，過程真係有ｄ緊張。講真，真係吾係好有信心咋。

嘩！出爐啦，終於冇收縮，冇收腰，冇濕，冇痴手，好成功呀！好開心呀！

原味蛋糕（分蛋法）

通常做戚風蛋糕，古早蛋糕或瑞士卷，都會用到分蛋法。

今日就趁我做開蛋糕，就順便同大家講解吓啦！

大家記住，蛋白霜穩定性係好重要㗎，千其吾好偷懶，一定要認真小心處理。

蛋黃加菜油及牛奶完全拌性融合

篩入低筋粉拌勻

蛋白

打至白色泡沫，加第一次糖。

打至厚身有阻力泡沫，加第二次糖。

打至現紋路，加第三次糖及粟粉。

打至濕泡性後，轉慢速打一分鐘，令蛋白霜氣泡變得變細密及幼滑，有光澤。

將1/3蛋白霜加入蛋黃糊內拌勻，然後倒回蛋白霜內，輕手cut & fold快手拌勻。

倒入模掃平，輕力在檯面凳兩下。

放入已預熱 (合適溫度) 焗爐

戚風蛋糕 / 古早蛋糕 / 海綿蛋糕分別

有好多人都吾識戚風蛋糕 / 古早蛋糕 / 海綿蛋糕嘅分別，我覺得佢地都係一樣，冇乜分別。當我每次解釋完，佢地都會覺得咪又係差吾多，吹漲，哈哈。

吾緊要，講你吾明，搵埋片你地睇，夠詳細啦！以後應該識得分別啦？

去片

~ 焙茶古早蛋糕 ~

~ 伯爵茶戚風蛋糕 ~

~ 原味海綿蛋糕 ~

牛油蛋糕（4S）

放假吾敢出街，唯有留響屋企，焗吓蛋糕自娛吓。

4S第一次焗蛋糕仔，無論時間同效果都比水波爐好，果然冇買錯（其實留意左一段時間）。

以前水波焗cupcake，永遠都會焗到好似火山爆發（中間尖起，然後流漿），有時會有一半被熱吹埋一邊（傾斜），搞到好似有條象鼻咁。

今日4S照用上下火熱風對流（測試），效果明顯可見（吾洗多講），真係同水波分別好大呀！仲有另一個好重要嘅係.....蛋糕面吾會變濕呀！

芝味牛油蛋糕

突然其來的8號風球，冇預期的半日假期，真係有d無聊，哈哈。

我又點會坐得定，梗要搵d嘢嚟做先安樂，嘻嘻。

因為屋企有忌廉芝士，所以就試左個新食譜，懶人版士蛋糕，希望屋企班白老鼠鍾意啦！

紙包蛋糕

星期五暴雨關係，搞到冇得出街，所以諗住整個雲石芝士蛋糕食吓。首先預備（焗定）個海綿蛋糕（做夾心層），然後再搞個消化餅底。點知.....人算不如天算，d消化餅竟然過左期囉。澳賣割（OMG）！最後唯有放棄啦！好彩D蛋糕可以齋食啫，哈哈！

最意想不到，原來阿仔鍾意食海綿蛋糕架，因為佢一口氣食左3/4個呀！哈哈。阿仔話今次個蛋糕好夠蛋味，似食緊紙包蛋糕喎，仲話好食過戚風蛋糕好多添。其實又冇咁好味呀！只係冇加奶，同埋用左牛油啫。好啦！見佢咁捧場，就整多D氹吓佢啦！等佢一陣放工返嚟有消夜食啦！

海綿蛋糕 ＞ 食譜及做法

＊紙包蛋糕可添加1/2-3/4茶匙雲呢拿油

柚子牛油蛋糕條（少油少甜版）

星期日去「樓上」買左兩樽柚子蜜，諗住飲得又食得，喂喂喂，吾好誤會呀！當然吾係就咁食啦！係用嚟整蛋糕食咋。哈哈。

今日早左返屋企，見姐姐未開始準備晚飯，所以我咪可以開擅囉。由於第一次用柚子蜜做蛋糕，所以甜度控制吾敢太重手，好彩好彩，成品甜道啱啱好呀（少甜）！

新加坡班蘭蛋糕

今日Boxing Day，不過冇節目，唯有留家休息。但又吾想嘥晒D時間嚟Hea，所以就搵D嘢嚟搞吓。

話說星期日，榨左D班蘭汁（standby），所以今日可以整班蘭蛋糕，順便消磨下時間，不但可以有得玩，仲可以有得食。

講番呢個蛋糕，與以往吾一樣架，佢冇加椰漿，亦冇加椰子粉，但就加左椰糖。口感同味道比以往更突出，更出色，更香濃。

大家一定要試吓，不過就要預早幾日準備.....「班蘭精華」呀！

雙色蛋糕

第一次1212淘寶，不過其實未到1212，好多店鋪已開始減價，為左避開當日高峰期，所以我就預先買定，吾洗同人迫（送貨）。

今次主要淘烘烤用具，如打蛋盤，慕斯圈，批盤，蛋糕模等。然後將舊嘅送晒比姐姐，皆大歡喜，哈哈。

今日為左試個新模，就求其整條牛油蛋糕，睇吓效果會如何。雖然呢個模話不黏，但我都有照鋪牛油紙，如果吾鋪，我估應該都會癡癡地。

原本諗住做一層牛油蛋糕，一層Brownie，點知...真係估佢吾到，竟然變成咁...水滴形，真搞笑，哈哈。