迷你菠蘿包

話時話，我都好耐好耐冇整菠蘿包啦！今日冇出街，姐姐放左假，屋企又冇野好食，所以。。。唯有。。。整個包嚟歎吓啦！加多杯咖啡，咁又一餐啦！

土鳳梨酥（芝士粉）

自從食過土鳳梨酥後，我已對傳統鳳梨酥say no啦！兩種鳳梨酥有咩分別？分別在餡囉。傳統鳳梨酥會加入冬瓜蓉，而土鳳梨酥就100%鮮菠蘿肉，食落酸酸甜甜，好有菠蘿鮮味。

通常隔一段時間，我都會想做吓，今晚我又做左啦！不過做得好少，得16粒咋！其實我已經買左兩個菠蘿，通常會做到20粒。因為吾小心比阿女發現左，咁就比佢打劫左半個啦！我每次買親菠蘿，比佢知道的話，一定會如此下場，買3個得2個，買2個咪得個半囉！哈哈！所以我一定吾可以買1個架。

仲有，今次食譜同以往吾同，再好味d呀！但脫模會難過之前，可能關加左芝士粉事。

黃糖牛油朱古力粒蛋糕

為明天準備一些小手信，但時間無多，又要快靚正，首選當然係佢啦！

薑汁撞奶

熱左幾日，今晚又涼番d，真係好啱食吓呢個甜品。快捷，方便，又易整，你吾係吾整呀！

紫薯缽仔糕

今日試左款新口味缽仔糕，可以話係冇果樣整果樣。

不過吾試又點知得吾得呢！雖然我敢做，但都要有人肯做白老鼠敢食至得。好彩我屋企有班御用白老鼠啫，哈哈。

伯爵茶戚風蛋糕

尋日終於買左伯爵茶包，今日可以做到戚風蛋糕啦！

因為今次做六隻蛋，一個8”模裝吾晒，所以做多兩個細盒（有蓋），可以方便送禮。

雖然蛋糕面焗得吾靚（有爆裂），但都一樣好味架。

做法：伯爵茶戚風蛋糕做法

墨汁法包

為左要試把新刀片，所以特登整呢個包嚟實習。其實呢個包有咩咁特別？又吾可以話好特別，但特別在好少見人做，亦好少響街見到囉。

記得我第一次認識「墨汁法包」呢個包名，都係從我妹妹口中聽過，才知道原來有D咁嘅麵包架！？

不過始終我都冇整過比妹妹食，因為我地其實好少機會見到。而食過墨汁包嘅人，相信只有屋企人和同事。

貝殼型黑麥麵包

好開心呀！今日又可以再來「麵包雲」上堂。今次揀嘅係Level 3麵包課程，雖然比上次Level 2（黑松露蘑菇麥麵包）難度高一級，但其實一D都吾難。

知吾知點解會揀呢個包呢？係因為我想好學鎅花囉。以前麵包鎅花，我係跟包友教路，用吉列剃鬚雙刀片，但始終都鎅吾成功，多數都是卡著（巢皮），吾可以一刀到尾。今次睇完Miss示範，原來係需要用專業刀柄（柄頭係微彎曲）再配合刀片來使用，而力度係應該放鬆，手勢亦應該自然。聽落咪以為好易，其實做落至知。鎅第一個時，我真係好冇信心，不過效果都比想像好。經Miss再指導後，發現原來係我落刀可夠恨，所以鎅得吾夠好。最後，終於做到啦（雖然功夫麻麻）。l由於今次鎅花成功，所以。。。我。。。就忍痛買左佢地set專業來路刀片啦！$136呀（吉列刀片$10咋)！Miss話可以用一世喎（如無意外），諗落都抵啦（自我感覺良好）！

睇吓，我D包包係咪好靚呢？我就好滿意啦！仲有。。。仲有，今次課堂仲教做多個青橄欖提魚牛油醬，用嚟配呢個包，味道真係好夾呀！

焗紅豆西米布甸（少甜）

原來已經有兩年冇整過啦！不過今次吾係整芋蓉，而係整紅豆蓉呀！因為屋企只得紅豆蓉咋！

今晚突然興起。。。心血來潮。。。忽然之間。。。好想。。。好想。。。好想食焗西米布甸。

咁。。。我咪立即行動囉！嘻嘻。坐言起行嗎！即時叫姐姐Check吓有冇西米，Oh，Perfect晒！竟然全部材料都有齊，可以開得工啦！

火鍋沙爹湯底

襯天氣仲凍凍地，要爭取時間打邊爐至得。食火鍋最重要當然係材料新鮮，但湯底都吾可以忽略。不過其實我都冇話要煲個靚湯嚟打邊爐嘅，都係就咁買包現成沙爹湯咋。但今日就一反常態，搞搞新意思，煲左個沙爹湯呀！好特別呢！真係從來冇諗過，竟然會自製沙爹湯，嘻嘻。

亂打亂撞，又比我整左個似模似樣，冇九分都有八分嘅。。。「偽版~方X記」。。。馳名。。。沙爹湯底。我覺得自己真係好有天份。。。偽裝呀！

呢個湯底除左啱火鍋用之外，仲好啱配湯粉麵呀！味道似足越南沙爹生牛河個湯呢！

如果大家吾怕煩（其實一d都吾煩），就不防試吓啦！

雜錦牛油曲奇

今日終於到左最後一日假期啦，雖然只得一個人，但我都吾會悶，因為已習慣晒啦！其實留響屋企hea吓都吾錯呀！

不過。。。其實。。。我今日係有個特別任務，就係幫阿女準備D小禮物，做比佢派街坊。哈哈，其實阿女平時都好鍾意同我落order架。但今次就誇D，佢話要派三日喎，仲吩咐我要整D擺得，可以keep得耐D嘅野。（咁我又點出到街呢！嗚嗚嗚！）

講番今次嘅手作，原本我係想整唧花曲奇，但屋企又冇金桶牛油，所以咪轉用無鹽牛油囉！點知。。。加完粉。。。攪完團。。。之後。。。直覺話比我知，應該係唧吾出嘅！哈哈。因為太杰啦！要唧！一定會手殘兼爆袋。所以，算把啦！放棄啦！

呢個故事係教訓我，以後要做唧花曲奇，一定要用番金桶牛油。但今次都吾會嘥左嘅，都可以做其他曲奇嗎！

當做完第一條朱古力時，感覺好似有d單調，於是做第二條咖啡時，就即刻補飛，加左d原粒已烘杏仁（之前用淨），到第三條綠茶啦！又加乜好呢！哈哈！好彩有d食淨嘅韓國蜜糖杏仁啫，咁又可以順便清倉啦！

用一個麵團，做齊3種味道（朱古力、咖啡杏仁同綠茶蜜糖杏仁），可以一次過滿足晒你嘅胃口掛。

今次都係第一次用唧花材料嚟做切片曲奇，真係錯有錯著，估吾到效果又吾錯喎。口感鬆化，好似食緊唧花曲奇一樣，只係外型吾同啫，以後可以繼續做呢個食譜。

一口缽仔糕

大家有冇食過坤記缽仔糕呢？我就食過啦！真係吾覺得佢好食囉！可能我吾識欣賞掛。其實自己做都吾難啫！而且仲平好多添。

今日我就做左啦！仲做左39個咁多添。吾派街坊都吾得啦！

材料：
粘米粉　100g
澄麵　　25g
馬蹄粉　12g
蔗片糖　120g
水　　　425g
紅豆　　適量

製法：

1. 紅豆洗淨浸1小時以上，煲30分鐘，熄火焗30分鐘，再煲30分鐘，再焗30分鐘（可重複直至煲淋，要保存原粒狀態），備用。
2. 粘米粉、澄麵和馬蹄粉加水140g拌勻，過篩。
3. 片糖加水285g煮溶，然後撞入粉漿內，一邊落一邊攪，攪至完全幼滑及冇粉粒。
4. 將紅豆加入缽仔或碗仔，倒入粉漿至9成滿，大火蒸30分鐘或至熟即可。

朱古力梳乎厘

今日為粉絲示範「朱古力味梳乎厘」，不過今次冇上次升得咁靚，因為我冇用匙柄圍杯邊鎅一圈，所以效果大家睇得出。。。好明顯啦！真係冇成個面升起架。

不過都只係外觀上吾同啫，對味道完全冇影響嘅。如果大家想再整得靚d，高級d，除左圍杯邊記住鎅一圈外，仲有就係出爐後，響梳乎厘面灑上防潮糖霜，咁賣相同效果就可即時升級啦！

其實材料同做法與橙酒梳乎厘冇乜分別，只係將可可粉代替橙酒，轉變口味啫。不過講到味道。。。我始終都係覺得基本嘅。。。橙酒梳乎厘最好味。

荔枝奶凍

屋企有盒荔枝果泥，仲有一罐荔枝肉，本來想整一個8"慕士蛋糕，但到最後我都係轉左軚。轉左做一杯杯囉，諗住食得方便D嗎！

橙酒梳乎厘

今日有客到，我除左準備好豐富晚餐外，仲準備左兩款甜品。有冷有熱，先食凍後食熱。凍有荔枝奶凍，熱有新鮮熱辣梳乎厘。

呢個梳乎厘不但出得廳堂，而且仲好見得吓人添。事關係跟大廚學架，真係有番咁上下級數。

不過時間係吾等人架，過左就冇啦！講緊只係呢個梳乎厘啫，真係好難捉摸呀！每次都吾夠佢快，埋好位，揸好機，影得嚟，就。。。扁晒啦！嗚嗚嗚！

Micky's Cookies（唧花牛油曲奇）

今日做左 Micky's Cookies（唧花牛油曲奇），同之前做過嘅完全吾同，食譜吾同，做法吾同，連效果都吾同，今次真係好好多呀！靚仔好好好好多呀！

今次冇加蛋，所以個麵糊比較杰，有D難唧，真係唧到手仔軟。第一次試咁低溫焗曲奇，初時都驚驚地（因大部份人都話要高溫焗，可以keep住花紋，低溫焗就會下塌），點知出爐。。。嘩！睇到啦！乜事都冇呀！花紋仲保持得好靚。

芝麻糕

好耐冇整啦！今日襯媽咪嚟拜年，即刻整番個比佢食至得。

今次冇造型，只係用個牛油蛋糕模，簡簡單單一底過。過年食得蘿蔔糕，年糕多，轉食吓凍糕都吾錯呀！