白汁煙肉蘑菇意粉

要自己煮飯喎，梗係揀d簡單又易嘅煮啦！呢款意粉，應該係史上最簡單之冠，簡單到連阿女都會話。。。吓！乜咁容易咋！？

靜靜雞話你知啦！呢個汁係阿女煮㗎，佢要爭住煮囉！哈哈。

白汁忌廉雞皇煙斗粉

今晚又輪到我要煮飯啦！繼上星期嘅卡幫尼意粉後，今次再推出另一款口味「白汁忌廉雞皇煙斗粉」。

今次嘅醬汁冇卡幫尼咁漏，煙斗粉亦冇扁意粉咁濟。可能今次我加左大量蘑菇同粟米，所以成碟野都變得清爽晒。

卡幫尼虎蝦扁意粉

今日姐姐放假，本來打算煮飯，簡單烚個菜，蒸個肉，再加d料搞掂。點知竟然被阿仔話“咁普通”？！心諗，如果佢要返工，我吾煮添啦！

比佢搞到我又要諗食乜（其實尋日已買定晒餸）。於是我問佢，吾食飯食意粉好母？兩秒吾洗，佢即答“好”，話好過又食飯喎！仲點名要我整「卡幫尼意粉」，然後話好易啫，好簡單啫。

於是我又要上網搵，睇吓片，然後再重組吓各人優點，最後就做左呢個米米版卡幫尼啦！原來真係吾難，真係非常簡單，只要買齊材料，就話咁易啦！

不過呢款意粉吾可以預早做定，一定要即煮即食，遲d都吾得架，因攤凍醬汁就會變得好杰好乾啦！

另外，因為呢款意粉冇乜餸，所以就加重料，等大家可以食得豐富d。

Double 芝士辣肉腸 Pizza

放假又吾想出街食飯，又吾想叫外賣速遞，咁就吾好懶啦！親手做個多料 homemade pizza啦！

間中食一次，死就死啦！括出去，盡情落多多芝士啦！（肥死人）