尋日放工行惠康見到有冰鮮乳鴿賣（好少見到），咁我就諗可以買嚟燉湯喎，所以我就買定一隻（$38），返屋企至慢慢諗點燉。
尋晚上網搵過有關乳鴿燉湯，點知原來冇乜選擇架，最後我諗到呢款湯，其實當佢雞咁燉咪得囉，應該冇問題嘅，哈哈。
於是叫左姐姐今日買舊豬展，然後加少少配料，咁就完成左呢煲燉湯啦！真心講，燉湯真係好飲好多架。
2017年12月28日 星期四
2017年12月25日 星期一
蟲草花姬松茸響螺雞腳燉豬展
買左燉盅，梗係要用多d啦！今日就等我試埋燉湯啦！
其實好少機會飲到燉湯，飲得最多應該都係N年前坐月果時啦！
本來想燉鮑魚響螺雞湯㗎，但屋企原來冇晒金華火腿，所以最後燉左呢款湯。
燉完都嚇一跳，點解會咁黑嘅？！可能係松茸同蟲草花定啦！
雖然我係用大燉盅燉，但阿女話要用燉盅裝住飲，先至似係燉湯喎！咁咪滿足吓佢要求，用個小燉盅當碗裝比佢飲囉！哈哈。
2017年12月9日 星期六
香茅雞翼
出街食閒閒地都要$4/50得5隻，自己做$30有12隻，真係抵食到呢！今日姐姐放假，又係太太出埸客串嘅時候啦！
今日晚餐由我話事，所以梗係越簡單越好啦！最好就係一鑊熟。首先用焗爐焗個香茅雞翼（免油炸），然後再煮個雪菜肉絲烏冬＋菜芯＋黑松露鮮蝦迷你水餃（一煲搞掂）。其實如果吾係阿仔話返嚟食飯，相信今晚應該會食飯盒，爸爸知道又會話媽媽偏心都似，哈哈。
話說早兩日facebook見到灣仔碼頭有免費試食「黑松露鮮蝦迷你水餃」，而且取貨點又近屋企，取貨日期又夾到，所以我幫阿女登記埋，今日可以一齊去攞。而烏冬又係免費架，係買李錦記產品滿$40送架，仲有4個添。今晚餐飯好抵食，等於半價呀！
2017年12月3日 星期日
鹵水拼盤（牛腱、雞翼、雞腎、雞蛋）
今日第一次自家製鹵水汁，過往只會買現成鹵水汁嚟用咋。
話說星期四，去惠康睇吓有咩新鮮生果買，點知裝修緊（局部），D貨重新擺位，蔬果位置竟然變左凍肉櫃。而凍肉櫃又放左好多新款凍肉，全部$79.9/2件，所以我都吾執書，揀吓有乜啱食，最後揀左兩包牛腱同兩包羊胸。
尋日咁啱又經過馬寶道，所以就去左椰子號行吓啦！每次去都會買番少少野，今次就買左黑白胡椒粉同孜然粉，都係十蚊樽，平靚正。跟住就買埋黑芝麻（已烘，特價$22/300g，原價$25），用嚟整芝麻糕夠晒香。當我想比錢時，見到收銀機旁有好多雜貨，如乾薑粉，陳皮粉，薏仁粉，雪梨乾等等。無意中見到一包包鹵水料，心諗可以用嚟鹵牛腱喎，於是就買埋佢啦（$15）。因為未試過，所以問吓老闆娘點處理，跟住佢就比張紙仔我（做法），叫我跟住做就得啦！佢仲話，鹵水汁可以留番下次用，越舊越正，好似潮州鋪果D咁，可以用過百年以上呢！不過。。。最大問題係。。。屋企個雪櫃邊有位可以長期keep住煲鹵水汁呢！
尋日咁啱又經過馬寶道，所以就去左椰子號行吓啦！每次去都會買番少少野，今次就買左黑白胡椒粉同孜然粉，都係十蚊樽，平靚正。跟住就買埋黑芝麻（已烘，特價$22/300g，原價$25），用嚟整芝麻糕夠晒香。當我想比錢時，見到收銀機旁有好多雜貨，如乾薑粉，陳皮粉，薏仁粉，雪梨乾等等。無意中見到一包包鹵水料，心諗可以用嚟鹵牛腱喎，於是就買埋佢啦（$15）。因為未試過，所以問吓老闆娘點處理，跟住佢就比張紙仔我（做法），叫我跟住做就得啦！佢仲話，鹵水汁可以留番下次用，越舊越正，好似潮州鋪果D咁，可以用過百年以上呢！不過。。。最大問題係。。。屋企個雪櫃邊有位可以長期keep住煲鹵水汁呢！
2016年10月23日 星期日
2016年4月10日 星期日
杏汁白肺湯
今日係開頁以來，第一次同大家講湯水篇，仲係我咁大個女第一次煲嘅湯水添！飲就飲得多，親手煲真係未試過，亦未諗過。
以前都係媽咪幫我買，幫我煲。點解今次我會自己煲？因為尋晚突然想煲比老公飲囉，嘻嘻。
所以今朝一早起身就去行街市，諗住親自去買豬肺，應該會好過叫姐姐去買掛（怕姐姐比人呃或吾識買）。
去到豬肉檔，吾見有豬肺掛出嚟，所以開聲問豬肉佬有冇，佢話有，問我要幾多個？我問番佢轉頭應該要幾多個？佢答四人份量買一個就夠，於是我就買一個啦！
豬肉檔多數會幫人洗埋，所以我至會買咋。依家一個豬肺洗埋要$35，其實我都吾知算吾算貴。再買埋豬脊骨$55（冇咁油）同雞腳一齊煲，應該都好夠甜啦！
以前都係媽咪幫我買，幫我煲。點解今次我會自己煲？因為尋晚突然想煲比老公飲囉，嘻嘻。
所以今朝一早起身就去行街市，諗住親自去買豬肺，應該會好過叫姐姐去買掛（怕姐姐比人呃或吾識買）。
去到豬肉檔，吾見有豬肺掛出嚟，所以開聲問豬肉佬有冇，佢話有，問我要幾多個？我問番佢轉頭應該要幾多個？佢答四人份量買一個就夠，於是我就買一個啦！
豬肉檔多數會幫人洗埋，所以我至會買咋。依家一個豬肺洗埋要$35，其實我都吾知算吾算貴。再買埋豬脊骨$55（冇咁油）同雞腳一齊煲，應該都好夠甜啦！
2016年3月2日 星期三
2015年12月8日 星期二
2015年10月9日 星期五
2015年8月12日 星期三
訂閱：
文章 (Atom)
