士多啤梨忌廉蛋糕

基本上，每年唯一一次自製生日蛋糕，都係為左老公。但今年好破例，竟然阿仔都有份。因為阿仔生日係平日，而我又要返工，所以唯有分兩日預備，一日焗蛋糕，一日做慕士。

雖然只係一個簡單蛋糕，但心意才是最重要。

熱情果蜜桃乳酪蛋糕

話咁快，又一年啦！又係一年一度要做嘅目標之一，就係生日蛋糕啦！

講真，生日蛋糕呢家嘢，其實...基本上...應該...真係，一年只做一次（除非吾係），不過當然要睇吓咩人物／對象先啦！

今年都冇例外，例牌放自己一日假，原因好簡單，就係為左準備...老公...生日蛋糕呀！

今年嘅生日蛋糕與往年好吾同，除左冇生果裝飾外，仲加左公仔添。點解會咁變？因為一個月前，淘寶見到一Ｄ好可愛嘅蛋糕裝飾，所以就.....變成咁囉。

另外，因我今次想做一個白色蛋糕，所以揀左一款白色乳酪。其實蛋糕口味同外貌吾係重點，最重要都係心意啫，希望佢（老公）收到啦！

藍莓乳酪慕士蛋糕

最近細妹返左嚟，搞到多左出街，冇乜時間留響屋企整嘢食。星期六已回復正常，因她星期五晚飛返英國啦！

噚日，我終於有時間可以為老公準備生日蛋糕啦！食完晏，就去買材料，跟住買生果。本來諗住買藍莓或士多啤梨裝飾，但因為吾新鮮，最後揀左從未買過嘅無花果。

往年多數都係做圓形蛋糕，今次玩特別d，整個長形試吓，估吾到出嚟嘅外型同顏色都幾夾喎！雖然蛋糕係簡單d，但整體效果都吾錯呀！

鴛鴦（伯爵茶／咖啡）慕士蛋糕

今日係我『珍珠婚』結婚30週年紀念日，所以特登請左一日假嚟準備呢個蛋糕。近幾年，我都會預備一個自家製愛心蛋糕，今年都吾例外。我想做一個新口味，又要冇重複，都要動下腦筋架！

最後，我諗到做一個伯爵茶慕士蛋糕，用埋伯戚茶蛋糕做夾心，成件事就好伯爵啦！點知中途出事，就係慕士份量同業職表現一樣.....吾夠數！哈哈。因為今次用左新模，所以份量都係估估吓，結果.....OMG！吾緊要，好彩屋企仲有忌廉淨，仲有牛奶同咖啡粉，呢個配搭就夠我做一份咖啡慕士啦！總算有驚冇險。

原先嘅伯爵茶慕士蛋糕，就變為鴛鴦慕士蛋糕啦！嘻嘻。鴛鴦我就飲過，但鴛鴦蛋糕就真係第一次啦！咁今次一定吾會重複啦！其實蝦碌經常會出現，只要靈活變通，就冇有怕啦！哈哈哈哈（自我安慰）。

紅桑子慕斯蛋糕

每年嘅今日，基本上，我都會做一個生日蛋糕，今年也不例外，不過今次就要預早一晚做定。

今日係大梁生（老公）牛一，我為佢準備左一個用紅桑子做膽嘅生日蛋糕，顏色同預期一樣咁靚。今次最特別係。。。第一次用矽膠模做生日蛋糕，重點係 "成功" 兼 "原整" 脫模呀！

以前試過用矽膠模做慕斯／奶凍／布甸，但每次都會脫爛晒，樣衰到震。今次都係駁吓咋，如果再失敗吾知點算好啦（唯有買個補飛）！

最近專登上網偷師，參考教學，原來矽膠模做慕斯蛋糕，係需要放冰格12小時以上後才脫模，我咪膽粗粗試吓囉。今次終於可以成功脫模啦！好開心。

水蜜桃慕士蛋糕

最近日本和歌山水蜜桃又做團購啦！即代表水蜜桃當造啦！不過我d水蜜桃並吾係團購，而係朋友送嘅。水蜜桃真係好好味，又香又甜又多汁，所以用左1個嚟試做蛋糕。

但裝飾就冇用到水蜜桃啦！因要留番比阿仔吃，所以唯有用士多啤梨裝飾。呢盒士多啤梨好襟食，已經係第三度甜品啦！

紅豆豆腐芝士杯

明晚需要準備兩款飯後甜品，兩款甜品我都會以紅豆做主題，事關我做左一大盒紅豆蓉囉！嘻嘻。

首先，今晚做定一款甜品『紅豆豆腐芝士杯』先，而第二款，因要新鮮做，新鮮食關係，所以要等聽日下晝先做得。等我賣個關子先，聽日至開估。大家估吓我會做乜東東呢！？

士多啤梨慕士蛋糕

新玩具到手，即試齊晒咁多件配件。首先用攪拌棒打果泥，然後再試打餅碎，跟住再試埋打蛋打忌廉。同之前飛利浦同Tefal比較，靜Ｄ又輕Ｄ，暫時感覺都好滿意。

除左做一個裝蛋糕外，都可以做杯裝架。

栗子忌廉蛋糕

早幾日嘅自來材料（一罐900g栗子蓉加一盒甜忌廉），點解？因為有個同事買左，諗諗吓又擺擺吓，終於都放棄吾做，所以就送晒比我收留佢地，事關甜忌廉已到期，吾做吾得。

今日做左兩倍幾份量，搞到。。。有d呢hea。我都係鍾意做細細份多d，吾鍾意搞咁大壇野，有壓力。

其實好少做栗子蛋糕，佳因我吾太好，今次只係第二次做咋。所以造型上，裝飾上，都係隨心隨手隨意咋，應該見得吓人掛？！除左做磅裝外，都做左杯裝，方便派街坊嗎！

紫薯忌廉香芋蛋糕

Part 2嚟啦！足足等左十多小時！因為出左街，蛋糕又要雪，所以冇得快囉！嘻嘻。

呢個紫薯忌廉同平時忌廉蛋糕吾同，蛋糕層比較多，忌廉層份量相對會薄左，所以食落有咬口得多。

焦糖慕士青蘋果柚子夾心蛋糕

開Blog以來，第一次被邀請參加工作坊，好開心呀！吾止有得玩仲有得食。

芒果慕士脆脆蛋糕

如果想做慕士蛋糕，大家會想起咩生果呢？最近芒草平左好多（比舊年），所以近期好蛋甜品都用了芒果做主題。呂宋芒做甜品簡直冇得頂，又香又甜又好味！

不過為左做呢個蛋糕，真係嘥左好多時間。無論係製作前期、步驟、過程，直至最後期執相寫文等，每一part都要嘥好多時間，實在令我感到煩悶啊！

終於到了最開心時刻，就係脫模啦！嘩！好正呀！今晚有啖好食啦！

青蘋果慕士朱古力脆脆蛋糕

足本生日蛋糕

今年為阿女親手做左個生日蛋糕，賀佢21歲牛一。往年我會去東海堂買，但今年見款吾多，又冇特別吸引，重點推介都係日本士多啤梨，賣3百幾蚊一個。心諗，咁簡單自己都做到啦！

好，就自己動動手啦！橫掂屋企有晒材料，買盒日本士多啤梨，再買多兩包朱古力手指餅，就可以開工啦！

朱古力慕士蛋糕

今日行材料店，見到有隻焦糖朱古力粒，見咁平（平過黑朱古力），而老闆又推介，咁咪買包試吓囉。

平時做朱古力甜品都會習慣加Baileys酒（因為會香Ｄ），今次都吾例外。