豆沙燒餅

尋晚用麵包機做左紅豆餡，本來想用嚟做紅豆包，但點知冇晒中筋粉，咁唯有轉軚啦！

其實我有3個選擇，1）紅豆草莓大福，2）豆沙鍋餅，3）豆沙燒餅。最後，我揀左個最簡單嘅豆沙燒餅，因為時間吾多呀！

芝麻糕（偽芝麻卷）

今日經過馬寶道，順路買左黑芝麻同白芝麻，返到屋企梗係立即浸芝麻，準備整芝麻糕啦！今晚又有甜品食啦！

之前淘左個新模，順便又試埋佢啦！

西汁三文魚扒

最近睇到蘋果報導（詳細內容），原來三文魚可以有助預防脂肪肝，咁以後就要食／煮多ｄ啦！

雖然我都有煮過三文魚，但魚扒就未試過，今次都係第一次。以前煮法不外乎煎又或者炸，但今日就吾同，都係第一次咋。

老實講，煮三文魚扒真係從未試過，今日我都係初哥嚟咋。心諗，急凍三文魚扒一定比冰鮮三文魚腥，點知.....打開包裝.....竟然.....一d都吾腥喎。

雖然只係急凍三文魚扒，但無論賣相、色澤、味道同肉質，都同冰鮮冇分別。最難得係，一向吾鍾意食三文魚嘅爸爸（怕腥），反而係最棒場果一個。

印尼拉爺糕

真係估吾到，原來已有兩年冇整過拉爺糕啦！不過我仲記得阿女好鍾意食嘅。

呢款糕係阿女至愛嘅糕（其中一款），點解我竟然可以漏左佢，隔左咁耐都冇整過呢！真係有d內疚呀！哈哈。

講真，今次準備嘅班蘭汁，其實係想做班蘭戚風蛋糕架。只不過突然心血來潮，走去blog度search吓，比我發現原來對上一次整拉爺糕，已是2017年3月啦！所以.....最後，我改變主意，轉左做拉爺糕囉。

記得第一次用木薯粉做嘅糕，係紅棗糕，依稀有印象，糕嘅質感係彈同煙軔，但吾知點解，依家做嘅糕，質感會變得咁軟糯。同一隻粉，同一食譜，真係吾明白。

其實糕係尋日出爐架，但由於非常癡模（已是矽膠模），所以唯有雪佢一晚，希望可以容易脫模啦！剛剛放工回家，便立即行動，嘩！你睇.....雪過真係吾同架。好彩，糕嘅質感一樣咁軟糯，冇變硬，不過顏色就變左（杯裝冇雪，係有透明感）。

鳳梨甘露酥

點解今次會叫鳳梨甘露酥呢？因為今次跟以往鳳梨酥吾同呀！

今次除左個鳳梨餡外，其他都變晒。首先係個外型，因為我想貪快，所以做左個最簡單做法。然後係個皮，因為我想夾番個造型，所以改左甘露酥個做法。令產品變成甘露酥外型，但其實係鳳梨餡（代替蓮蓉）。

最後，我想講吓個餡，其實係我兩三個月前做定，真空包裝放左冰箱到依家。第一次真空放冰箱，原來同新鮮真係冇分別。下次如果遇見靚菠蘿，都可以買嚟做定個餡，真空放冰箱，隨時想做就去做啦！

外型係咪有D似皮蛋酥呢？

包裝完成，可以送出。

鮮椰汁紅豆糕

上次試過鮮椰汁／椰子水做年糕，今次再試吓用嚟做紅豆糕，相信味道應該會天然更濃郁（椰子味）。

平時我都係一take過，但今日就想玩吓嘢，諗住效果會靚d，因為我貪靚囉！

出模啦！原來效果並吾明顯，下次應該將紅豆壓蓉至得啦！