每次焗親叉燒，我都會留起偏瘦部分（約200g），用嚟做叉燒餐包餡。因我鍾意食叉燒餐包多d，所以多數都會將叉燒整餐包餡，好少會做中式餡。早幾日整定左個餡，等幾時想食都可以隨時有得用。
今日成日橫風橫雨，冇得出街，留響屋企有咩好做？！梗係整嘢食啦！中午先嚟個瑞士卷，下午再嚟個焗麵包。咁就可以娛樂一天啦！
其實都冇諗過會焗包架，只係阿女無端端話想食菠蘿叉餐包，又話想出去買（添好運），講到咁，我咪唯有整比佢食啦！
最開心嘅係。。。阿女食左一啖後。。。咦！幾好味喎！
迷你菠蘿包
＊每個：麵糰30g，叉燒餡15g，菠蘿皮9g＊
（餡：麵糰 = 0.5：1）
