低溫慢烤拖地叉燒

雖然我都吾係第一次焗叉燒，但用拖地腩嚟焗叉燒，又確實係第一次喎。

因為最近豬肉價格仍然高企，來貨又減少（幫襯開嘅豬肉檔每日只分得半隻豬），所以我們這一家都減少食新鮮豬肉，叉燒就更加冇得做啦！

今日突然心血來潮，好想食叉燒，所以即管去街市踫吓運氣，吾知有冇機會買到靚梅頭呢？結果與預期一樣 "冇" 囉，哈哈。最後，唯有轉而目標，買舊拖地腩（豬腩肉）嚟頂住先啦！

今日舊豬腩肉就貴囉，比平時貴左成倍呀！$80買得500g咋！

##轉載網上資料:

拖地叉燒是五十年代的大盛，失傳的味道。

拖地叉燒，四層瘦三層肥。拖地叉燒已有多年歷史，起源于以前香港元朗地區。所謂「拖地叉燒」，據說是以前元朗燒味師傅，指定用肥到肚腩拖地的大花白豬來做叉燒而得名。燒成後，因狀似草鞋，故有另一外號「草鞋底」。

拖地叉燒用的是腩肉排骨相連的部位，肥瘦相間，特別肥美。以前拖地叉燒一定要用上大花白豬，抵抗力強，特別肥，肉味偏濃。但是現今普遍人怕肥膩，所以導致拖地叉燒銷路少，成本高，逐漸的被時代淘汰。

拖地叉燒一斤燒成後約有12兩重，但因拖地油份足，燒期間不斷滴油，其中只剩餘下得10兩半能用上。拖地叉燒表面共四層瘦三層肥，腩肉沒一般叉燒難嚼，原來在醃製時有技巧。挑骨腩本身肥脂多，所以要加重糖，減肥膩之餘，入口即化。燒製時火力不能太猛，因為糖份易燒焦。##

材料：

拖地腩　500g（切1"厚及去皮）

生粉　　4湯匙

醃料：

砂糖　　2.5湯匙

幼鹽　　1/4湯匙

雞粉　　1/4湯匙

海鮮醬　1湯匙

蠔油　　1湯匙

芝麻醬　1/4湯匙

生抽　　1/4茶匙

老抽　　1/4茶匙

乾葱茸　1/4湯匙

蒜茸　　1/2茶匙

紹興酒　1/4湯匙

雞蛋　　半隻

掃面：

百花蜜　適量

做法：

1. 腩肉洗乾淨，放入生粉2湯匙拌勻，醃4小時（放入保鮮盒存雪櫃）。
2. 取出腩肉，沖洗乾淨表面生粉及血水，再放入生粉2湯匙拌勻。
3. 將醃料拌勻，放入腩肉再拌勻，然後放入保鮮盒，存入雪櫃醃兩小時以上（或過夜）。
4. 預熱焗爐240度，將腩肉平放在烤架上，再放在已包錫紙的底盤上，焗10分鐘，反轉另一面再焗10分鐘至微焦黑。
5. 調低焗爐溫度至100度，再每面各焗15分鐘（共30分鐘）。
6. 取出腩肉，調高焗爐溫度至240度，腩肉掃上蜜糖，焗5分鐘，反轉再掃蜜糖，再焗5分鐘。
7. 調低焗爐溫度至100度，再每面各焗15分鐘（共30分鐘）。
8. 完成後掃上蜜糖，放涼後切片即可。

貼士：

• 豬肉加生粉拌勻時，要加入少許清水，令豬肉表面形成一層薄糊漿。
• 用生粉醃四小時，有清潔及去血水作用，可令肉質更鬆軟嫩滑。