下面呢個神器，係早幾年睇電視見Gigi姐教整蘿蔔糕，而佢就係用緊呢個刨（出私伙拍節目），又講到呢個刨好好用，係佢去上海時買的，仲話跟左佢好多年添。
聽完佢講，我都吾執書，即刻淘左兩個返嚟（一個比奶奶）。自始以後，我就一直用呢個刨嚟刨蘿蔔絲做蘿蔔糕啦！其實神器除左刨蘿蔔絲外，平時都好有用架，例如刨土豆絲同芋絲。土豆絲我會用嚟炒肉絲，芋絲就會混入鯪魚膠內，然後煎鯪魚餅。
可能日子有功，神器係時候退役啦！因為釘已開始鬆脫，所以唯有重新買一個。今次我買左個大孔少少嘅神器，因為我想蘿蔔粗身少少，增加及豐富口感。
左：7mm（新）／右：5mm（舊）
想買嘅粉絲們，可以試吓去上海街睇吓，又或者學我淘寶買，但最緊要睇番時間趕吾趕得切新年前到喎（刨絲器）。
