榛子朱古力咖啡卷

最近愛上卷，仲要每次都冇重複。我最鍾意玩新鮮感，亂配搭得嚟又要夾，覺得自己都幾叻（好自大）。

卡通版拉爺糕

脫去平凡的外表，搖身一變，嘩！超可愛呀！不一樣的拉爺糕，真係吾捨得食呀！實在太可愛啦！

香芋卷

之前阿女去台灣旅行，阿仔落 order 叫佢買芋頭蛋糕返嚟，話食過好味。

阿女亦好聽話咁買左幾款芋頭食品返嚟，有芋頭酥，芋頭蛋糕等。

試過後，芋頭酥只是一般，而蛋糕又真係幾好，仲好足料添，不過應該都落左不少添加劑。

最近學整卷，不如就將芋頭蛋糕化作落卷度試吓啦！

芋蓉餡

材料：
芋頭肉250g
糖霜50g
淡忌廉50g

餡做法：
1) 芋頭去皮切粒，蒸30分鐘至淋。
2) 將糖霜加入芋頭粒內壓成蓉（可試味增減糖份）
3) 加入淡忌廉攪勻至幼滑備用（亦可留小小粒粒增加咬口）

班蘭瑞士卷

第一次學人做瑞士卷，當然要揀個特別Ｄ啦！冇理由做個原味咁行貨嗎！

本來諗住買定班蘭葉看門口，隨時可以用嚟整拉爺糕，依家唯有變一變念頭，嚟個一班兩味啦！班蘭戚風蛋糕應該大家都食過，瑞士卷做法又試過未呢？

話晒都係我嘅第一次（捲），成績都吾錯喎（自大逛）！我比自己90分，留番10分進步空間。

桂花拉糕

每次去小南國或南小館都會必吃嘅甜品，因為其他地方冇得食，真係好好味，但每次只得一件，太少啦！滿足吾到我。

上網搜尋左好耐，終於找到了影片，但就冇詳細食譜。於是再搜尋，找到一些類似食譜，即管試吓啦！經改良及研究後，就做到一個非常相似嘅桂花拉糕啦！靜靜雞話你知啦！朋友食過，話好味過小南國添！哈哈哈！成功啦！

黑芝麻椰汁鴛鴦饅頭

2016第一包【黑芝麻椰汁鴛鴦饅頭】

今次做左椰汁麵團，完成後取出一半麵團，留下半份加入黑芝麻醬再攪勻，全程只須12分鐘。中式包無須一發，真係好快有得食。