平時食泰國菜，我多數都會點春卷，但香葉包雞好似真係冇乜點過。因為覺得佢好油，同埋d肉又好乾。而且份量又好少，但又吾平喎！
依家有左波仔，不但可免油炸，仲可以食到好Juice嘅雞肉添，最重要係廿蚊吾洗就整到一大碟呢！
材料：（4人份量）
雞扒 2件（去皮切塊）
香茅莖 1枝（切碎）
芫荽根 2棵（切碎）
蒜頭 2粒（切碎）
班蘭葉 10塊
調咪料：
豉油 1湯匙
魚露 2茶匙
蠔油 2茶匙
糖 1茶匙
麻油 1茶匙
白胡椒粉 1茶匙
做法：
- 雞件加入全部調味料拌勻，放雪櫃醃1小時以上。
- 班蘭葉抹乾淨，底部剪平，然後摺成一個三角漏斗形，放入一件醃好的雞塊。
- 再對角一直摺上去，直至葉把雞塊包好，葉的尾部收好，再用牙簽把尾部穿實，將全部雞塊包好。
- 預熱焗爐200度，在雞塊葉面掃上少許油，焗15-20分鐘（焗8分鐘後反轉）。
- 可配上泰式甜酸汁供食
沒有留言:
張貼留言
注意：只有此網誌的成員可以留言。