菠蘿雪葩

人地話明係慢磨榨汁雪葩機，又點會吾試埋做雪葩呢！一諗起做雪葩，就即刻諗到菠蘿，因為菠蘿又香又甜又好味，絕對吻合晒做雪葩嘅條件。自家製雪葩，最好揀選比較濃味又夠甜嘅水果，因為自家製雪葩，無添加糖／增味劑／香料／色素等，100%純天然水果肉。但如果只想食到水果冰，吾介意淡口都冇所謂，一樣可以做楊桃／火龍果雪葩。

做雪葩前，首先要預備好冰水果。做法簡單，只需將水果切粒，入盒，存冰格5小時以上，後取出置室溫10-15分鐘（吾黏實就得），再將慢磨機換上雪葩棒，就可以磨榨成雪葩啦！講多無謂，行動最實際，去片。。。。。

食後報告：
自家製雪葩雖然冇雪糕般幼滑，但比想像中滑，仲會食到有少少纖維感覺，絕對吾似雪條，又吾似刨冰或C樂冰。