今日益街坊打孖上，兩款口味一齊嚟，隨便睇隨便揀。
月餅及點只得蓮蓉、豆沙、五仁。。。。咁普通，自家製當然要玩吓新意啦！玩都要玩得多變化。
記得細細個果時，阿媽仲要供月餅會，供完都只係用嚟送禮，屋企食到嘅只係得兩隻豬籠，諗起都覺得辛酸。嗚嗚嗚！時代吾同，依家d細路就享福得多啦！基本上想食乜有乜，仲多都食吾晒拎去掉添。人越大就對月餅越冇興趣，對我嚟講，月餅係愛嚟做，同愛嚟派咋。鍾意做月餅，主要係鍾意比人讚，聽得好開心，我係咪傻傻地呢？哈哈。
今年第三轉月餅出爐啦！呢三轉月餅，我都冇做特別處理，冇特別花臣，只係隨便咁焗，但點知斷估吾到，竟然比多多計算的出奇地好，真係點算都計佢吾到。
由於時間緊迫，整個製作程序都冇時間拍低，如果想清楚多d，睇詳細多d，就可以睇翻我嘅舊文。
下次如有時間，我再為大家詳細一步一步介紹啦！
材料：（16*50g模）
＜餅皮＞
低筋粉 135g
奶粉 25g
南瓜粉 25g
無鹽牛油 80g
糖粉 60g
蛋液 25g
＜手粉＞
高粉
＜掃面＞
糖水（蜂蜜1湯匙+暖水1茶匙開勻）
- 將全部粉過篩，然後加凍牛油（切丁粒），用手指頭搓成麵包糠狀（快手）。
- 加入蛋液，搓勻成糰（快手）。
- 將麵糰平均分割每粒22g，然後包入餡（28g）。
- 月餅模撒上高粉，搖勻再將多餘凳出。
- 將麵糰放入模（收口向外），然後推壓印模。
- 將月餅平均鋪上焗盤，然後雪30分鐘。
- 將月餅放入已預熱180度焗爐焗15分鐘。
- 出爐後立即掃上糖水
- 月餅放烤架放涼一晚，然後便可以入盒／包裝。
＊如3天內未食完，要存雪櫃保存，食前用焗爐150度（不預熱）焗10分鐘即可。
紫薯月餅做法
奶黃月餅做法
奶黃餡面緊貼一張保鮮紙，然後放入雪櫃儲存。
