上次整軟心奶黃月餅時淨左Ｄ奶黃餡，但就冇晒軟心餡，所以我轉用左忌廉芝士代替。今次買嘅忌廉芝士比平時淋，真係無法切粒，我唯有盡量搓成圓形，然後再急凍雪硬。
但今日整個製作過程都吾太順利，首先芝士太淋，就算冰左又好快溶，搞到包奶黃餡都雞手鴨腳，好彩到最後都可以順利完成。
今次焗法同平時吾同，冇用到高溫（250度），又冇掃到蛋，更加冇掃蜜糖添。全程180度焗左15分鐘，一take過，絕對係素顏示人，清純嗎？
呢批月餅係阿女訂架，話要請同事食（咪又係我請，搵笨），但款式當然冇得佢揀啦！因我又出錢又出力喎，梗係由我話事啦（阿媽想試新野）！嘻嘻。
奶黃月餅心得（奶黃月餅小秘訣）
忌廉芝士分好，放冰箱雪至硬身。
奶黃餡分割滾圓
快手包入芝士
完成後再放入雪櫃雪實
