有左光波爐，吾洗吓吓開焗爐。係咪好壓韻呢？哈哈。
今日要整一樣人人都覺得好難，又或者麻煩嘅燒腩仔啦！因為有好多人都會話焗親都吾夠脆。其實燒腩仔脆吾脆係關個皮爆吾爆事，要脆就要爆，吾爆咪吾脆囉。明我講咩嗎？嘻嘻。
首先五花腩要肥瘦適中，舊肉吾好咁太厚，如買到太厚吾緊要，將面帶骨果層肉切走就得（可用嚟煲湯，吾會嘥）。太厚會好難熟，同埋肉質會粗糙。燒之前最好將肉風乾吓，然後響豬皮度插好多好多好多孔，越多就越爆，但千其咪插得太深，小心插穿皮下脂肪就吾脆啦！
尋晚放工去惠康買吾到新鮮五花腩，所以買左舊冰鮮五花腩頂檔，醃左一晚後，要將舊肉表面醃料抹走（抹乾淨），仲要印乾水份，再風乾一陣就焗得啦！
因為我份人比較懶，驚焗完要洗餐死，所以我就加左兩塊錫紙墊底囉。嘩！好在我醒目咋，你睇，真係好多油滴出嚟呀！我好鍾意見到呢個效果，因為即是等於食少好多油落肚嗎！吾怪得咁多人都鍾意用光波爐焗豬／羊／雞啦！
材料：
五花腩 300g
醃料：
粗鹽 2茶匙
五香粉 1/2茶匙
糖 1/3茶匙
紹興酒 1茶匙
做法：
醃料：
粗鹽 2茶匙
五香粉 1/2茶匙
糖 1/3茶匙
紹興酒 1茶匙
做法：
- 五花腩洗淨，抹乾，然後加入全部醃料拌勻，放入保鮮盒，存雪櫃醃過夜。
- 將腩肉表面醃料抹走及印乾水份，用豬皮插在豬皮面插滿針孔（小心不要剌穿皮下脂肪），越多越好。
- 光波爐底鋪上兩層錫紙，放入低腳架，腳架掃少許油（防黏），再將腩肉放入，肉向上，皮向下，250度焗20分鐘（無需預熱）。
- 完成後，將腩肉反轉，皮向上，肉向下，250度焗15-20分鐘。
- 出爐後，待肉放涼，然後可切件。
五花腩加入全部醃料拌勻
醃一晚後，將腩肉表面醃料抹走及印乾水份。
五花腩即是指有五層，皮＞肥＞瘦＞肥＞瘦。
肉向上，皮向下，250度焗20分鐘。
（左）時間制：20，（中）風速：高，（右）溫度：250，
完成設定後，按開始。
光波爐會自動衝溫，會間斷熄燈，是正常的，不要以為壞機。
顏色焗得好均勻
焗到這效果就可反轉
皮向上，肉向下，250度焗15-20分鐘。
原來都有好多油滴出嚟㗎（幾湯匙）
