話說星期五去左葵芳新都會飲茶，叫左碟芝麻卷，點知超失望，又淋又冇芝麻香，真係勁吾掂呀！依家出街真係食吾到似樣Ｄ嘅芝麻卷／糕，又貴又吾好食。想食好味嘅芝麻卷／糕，真係吾懶得架，唯有靠自己啦！
其實芝麻糕我都做得多，但芝麻卷！？都係第一次咋。今次第一次試做，因為未掌握到份量（厚薄），所以做得比較厚。不過經過今次實習後，下次應該會做得好Ｄ啦！希望下次可以做得薄Ｄ，層次多Ｄ，捲得靚Ｄ啦！
原來做芝麻卷都吾係咁難，以後又可以多個食法啦！今日除左有芝麻卷，仲有芝麻糕。
＊芝麻卷食譜同芝麻糕一樣，只是容器不同。做卷，可選用一個薄身不黏焗盤，倒入粉漿約2-3mm厚，大火隔水蒸10分鐘或至熟。出爐放涼，然後捲起及切段。
