今日25/9星期五，是日放假一天，先去銀行處理吓帳戶，然後再去和富fusion shopping吓，睇吓有冇荀貨。一入門口，就見到又平又大又新鮮嘅地們金菠蘿，最後忍吾住買左3個。結果shopping就要在此結束。因為拎住3個菠蘿，邊度都吾洗去啦！哈哈。抬住3個大菠蘿返屋企，沿途只能掂行掂過，專心向前，因為我實在無力挽了，哈哈。
幾經辛苦，終於安全返到屋企，不過雙手已吾屬於自己啦！實在太重，太重，太重呀！以後買嘢真係要量力而為，吾好再做傻事啦！嗚嗚嗚！
希望放多兩日，等菠蘿熟Ｄ，就可以做定鳳梨餡，等遲Ｄ放長假，就可以做鳳梨酥啦！
後記：今日1/10（星期四），尋晚30/9（星期三）終於等到菠蘿熟啦（估吾到要擺咁耐）！可以開工做鳳梨餡啦！不過其中一個仲未熟，所以只係做左兩個。
如見到靚菠蘿，我會買嚟做定餡，等遲D想食鳳梨酥嘅時候，就可以即時有得用。
待鳳梨餡雪一晚後，我會用保鮮紙包成條狀，再放入真空袋，然後抽真空放入冰箱儲存（可保持新鮮又吾怕串味）。
