吾知係改良左，還是自己進步左，最近做番好多好耐都吾敢再做嘅甜品，估吾到效果同處理都比以前容易左好多，我吾再怕啦！
所以今日挑戰自己，再試一個同樣好陌生嘅曲奇『唧花曲奇』。點解吾做？因為我唧麵糊唧到手抽筋，而且花紋又會焗到扁晒走晒樣，所以吾鍾意／敢做囉！
雖然今次進行好順利，連唧花都冇難度，但唯一擔心嘅係，因從未試過水波爐焗，吾知佢地夾吾夾得嚟呢！
仲有，今次食譜改良過，我將半份金桶牛油轉為無鹽牛油，原因係我吾鍾意金桶太酥，但全無鹽又怕吾夠鬆。所以最後決定兩溝。
出爐啦！測試結果係。。。失敗！今次Ｄ花紋又走晒，雖然味道比淨金桶牛油好，但又係衰個花，死因我估應該都係怪金桶之過。等我遲Ｄ再試過，希望可以改寫走樣嘅縮命。
材料：
金桶牛油 120g
無鹽牛油 120g
糖粉 100g
雲尼拿油 2g
低筋粉 220g
粟粉 40g
蛋黃 2個
金桶牛油
做法：
1) 牛油室溫放軟
2) 牛油加糖粉打勻，再加蛋黃及雲尼拿油打勻。
3) 篩入麵粉及粟粉拌勻
4) 拌至冇粉粒
5) 哪袋先放入唧嘴，然後再倒麵糊入唧袋。
6) 焗盤鋪上牛油紙，然後平均隔開唧上麵糊，入已預熱160度焗爐焗30分鐘至熟。
