Tiramisu

Tiramisu 除左磅裝大大個之外，也可以做成杯裝，細細杯容易食，而且份量少Ｄ，最啱keep 緊fit但又為食嘅囡囡啦！

鹽焗雞翼（簡易版）

平時焗雞翼，焗到一半就要反轉佢，真係幾麻煩，又嘥時間。食家比我搵到佢（立體燒烤架），以後焗雞翼就方便好多啦！

你睇，中途吾洗再反雞翼啦！焗得勁靚，超方便。

土鳳梨酥（杏仁粉）

近年已絕少出去學藝，原本報左學法棍，點知竟然病倒，最後終於冇上到堂。

好彩老師能給我補堂，不過就冇晒法棍班啦！唯有揀左樣好耐之前曾經想學嘅「鳳梨酥」，堂上除左教鳳梨酥外，仲有教埋腰果酥。

今次的課堂我只會給6分，因上課過程（不是一人一份製作），學習手法（吾pro），以及製成品（味道/賣相）都遠出我想像。相比下，我覺得上網自學還好味過呢（重點免費）！

之後，我就諗住自家試吓，搜尋網絡時，無意中發現呢款鳳梨型模具，於是為了呢套模，便開始了我人生第一次自家製鳳梨酥啦！全靠朋友嘅朋友幫忙（專誠從台灣親自帶來香港給我，不過就等到頸都長囉！），太感動了。

我為左做得更專業，所以再淘寶左包裝同封口機，希望做到最（可能）完美效果。

黑加侖子慕士蛋糕

基本上。。如無意外。。多數。。應該。。盡可能我每年都會做最少一個『生日蛋糕』，而收禮嘅人就係我 Honey 啦！今年當然冇例外啦！仲請埋假嚟做添，夠晒有誠意掛！

今年我想整一個特別Ｄ嘅味道，又想個顏色 Sharp D同出D，最後就揀左呢隻紫色代表「黑加侖子」果泥，夠特別嗎？

蛋糕除左味道之外，賣相當然都好重要（必須）。有時為左扮靚Ｄ，都會好頭痕，吾知點擺好，我怕《一子錯，滿盤皆落索》。

終於搞掂啦！我都好滿意。

天多尼烤雞

吾知大家有冇去過印度餐廳？吾知又有冇點過呢款餸呢？通常餐廳會係跟鐵板上，但屋企又點會無嗱嗱整塊鐵板呢？所以都係用番碟上算啦！

究竟佢有咩特別？特別在佢有種特別嘅味道囉！哈哈，係咪好似冇講過一樣。

焗叉燒餐包

自己本身吾太好叉燒餐包，因買到嘅包都係空心，得醬冇叉燒，好搵笨又吾好食。所以從來吾會買嚟食，最多只會去酒樓飲茶時，有新鮮出爐才會叫嚟食吓。

最近焗左叉燒，又食吾晒，除左炒蛋仲可以點用？就不如試吓整包啦！

屋企整嘅當然吾會得醬冇叉燒啦！從未，我就愛吃叉燒包啦！

南乳燒雞翼

第一次試用麥芽糖上皮，原來吾係甜，又吾係酸，只係脆咋！好神奇呀!