阿仔細細個就好鍾意食一種零食，通常只會響樓下超市見到（CRC），透明膠袋包裝，外型不起眼，一粒包住dd蓮蓉餡嘅中式餅「嚒囉酥」，外型其實一d都吾吸引，而且仲會覺得cheap cheap地添。哈哈，其實我也從來沒正式吃過呢（最多只吃過一口）！都吾明點解阿仔咁Like。
上次整完鳳梨酥後，阿仔提起童年時小食，叫我不如試吓做d未曾整過嘅野，所以我就諗起佢「嚒囉酥」啦。
不過，網上找不到好的食譜參考，所以我轉左軚做甘露酥。
甘露酥係一個中式甜點，除了飲宴時會食到外（美點雙輝其中一煇呢！），好似都冇機會食到。今次我冇用到蓮蓉餡，轉左用自家製紅豆餡，應該都好味掛。
甘露酥材料其實好簡單，而且吾難做，最重要係我個食譜冇加到泡打粉同梳打粉架。
食後感：估吾到又幾好味喎，新鮮暖食時，個皮仲係好鬆脆架。有少少改進地方，就係餡皮比例，可以改兩份皮比一份餡。呢個餅餡其實可以有好多變化，如轉用蓮蓉、麻蓉、椰蓉和豆蓉等。自家製就係有呢個好處，鍾意食咩就轉咩，冇所謂。
材料：
低筋粉170g
中筋粉20g
奶粉20g
糖75g
牛油130g
蛋黃1個
紅豆餡 > 紅豆餡做法
掃面：
蛋黃1個
做法：
- 牛油室溫放軟，加糖打至幼滑。
- 加入蛋黃打勻，再篩入奶粉、低筋粉及中筋粉，拌勻成團。
- 麵團平均分每粒15g，滾圓。
- 平均分每粒15g，滾圓
- 將麵團按平，包入紅豆餡，收口向下。
- 餅面掃上蛋黃液
- 放入已預熱200度焗爐，焗13-15分鐘。
牛油室溫放軟，加糖打至幼滑。
然後加入蛋黃
快速打勻
篩入奶粉、低筋粉及中筋粉。
快手拌勻成團
麵團平均分割等份，滾圓備用。
紅豆餡平均分割等份，滾圓備用。
將麵團按平（大約包到1/2至2/3粒紅豆餡，不要剛好包裹或太大，
否刖皮與餡會吾貼，焗時會爆裂。），放上餡。
將皮反上貼實餡，再慢慢將皮推上，然後收口。
收口向下，放上已鋪牛油紙焗盤。
掃上蛋黃液
放入已預熱200度焗爐，焗13-15分鐘至夠色即可。
