薑蔥砂鍋掘龍躉片

材料：

龍躉片300g
薑粒、蔥頭、蒜頭、蔥、炸蒜蓉

生粉1茶匙

生油1-2茶匙

醃料：
糖，鹽  各少許
生抽      2茶匙
紹酒      1茶匙
蛋白      1/3隻

醬汁：
紹酒2湯匙
蠔油1茶匙
生抽1茶匙
糖1/2茶匙

做法：
1）龍躉片加醃料撈勻至起膠，再加生粉拌勻，最後加油拌勻，然後鋪排放上碟。

2）薑粒炸至焦香，然後加蔥頭及蒜頭炸至金黃，上碟備用。
3）燒熱砂鍋，加油，炒香蔥白及蒜頭，再加青蔥炒勻，然後將（1）放入蔥蒜面。
4）再將龍躉片鋪上，在鍋邊淋入醬汁，加蓋，煮3分鐘。
5）在龍躉片面放上炸蒜，然後加蓋，在蓋圍邊淋上紹酒，完成。

白汁雞皇（或海鮮）

材料：
雞／海鮮
牛油25g
洋蔥
蘑菇
紅椒
白酒

白汁：

牛油 30g
麵粉 30g
雞湯 300g
鮮奶 250g

做法：

1）中細火煮溶牛油，加麵粉炒香／熟，熄火加入雞湯及忌廉拌勻。

2）開火將白汁煮至杰身（約2分鐘），完成後，蓋上蓋（避免面結乾膜）。
3）中火煮溶牛油，炒香洋蔥、蘑菇、紅椒，加入肉類炒熟，贊酒炒勻。
4）然後將（3）加入白汁內拌勻，中火煮滾即可。

粟米肉粒飯

材料：

豬／雞肉500g

醃料：

鹽、糖、豆粉、胡椒粉、紹酒、油

粟米汁：
牛油        20g
麵粉        20g
雞湯        200g
牛奶        100g
粟米蓉    100g
粟米粒    1/2-1罐

做法：
1）中細火煮溶牛油，加入麵粉，用手動打蛋器拌勻，將麵粉炒香／熟，熄火。
2）加入雞湯拌勻，再加入牛奶拌勻。
3）開火煮滾（要不停攪拌），加入粟米蓉及粟米粒拌勻，加少許鹽調味，將已炒熟肉粒加入拌勻，完成。

豉汁炒蜆

材料：

蜆          1斤
青紅椒  2條
薑          5片
蔥頭      1湯匙
蒜蓉      1湯匙

豆豉      1湯匙
生粉水   適量

醬料：
老抽      1湯匙
生抽      1茶匙
蠔油      2茶匙
糖          1/2茶匙
魚露      1茶匙

做法：

1）蜆洗乾淨，青紅椒切粒，蔥頭蒜頭切碎，薑切片。

2）煲滾水，將蜆烚熟，見開口即撈起，隔水。

3）爆香料頭，倒入蜆同汁料快炒，加生炒水埋茨即可。

陳皮豉汁蒸白鱔

材料：

白鱔約 10件（約2cm厚）

陳皮     1角

醃料：
蒜蓉     2湯匙（先炒香）
豆豉     2湯匙（先炒香）
生抽     1湯匙
老抽     1/2湯匙
糖         2/3茶匙
蠔油     1湯匙
雞粉     1/2茶匙
麻油     1/2茶匙
紹酒     1茶匙
生粉     1茶匙
胡椒粉 少許

**生油 1湯匙（撈完醃料後，最後加油撈勻封面）

做法：

1）陳皮浸軟刮囊切幼絲

2）用一隻大碗，混合全部醬料。

3）鱔洗乾淨，抹乾水份，倒入醬料內撈勻（每件沾滿醬汁）。

4）將鱔鋪平放上碟，再將陳皮絲放面，大火蒸5分鐘，出爐後加蔥花，然後再贊熟油。

豉油皇炒麵（大排檔）

材料：

蛋炒麵餅 1個（約160g）
銀芽         150g
韮菜         75g
蔥頭         1粒
蒜蓉         1粒
蔥             2棵

白芝麻     隨意

醬料：
草菇老抽     1湯匙
生抽             1茶匙
美極鮮醬油 1茶匙
蠔油             1湯匙
糖                 1茶匙

做法：
1）煲滾水，然後熄火，放入麵餅浸約2分鐘，攪散／鬆。
2）麵瀝乾水（表面乾爽），然後剪幾下（麵太長）。
3）用白鑊爆炒銀芽20秒，加蔥頭，蒜蓉，蔥白炒20秒，加韮菜炒20秒，盛起。
4）燒熱鑊，中大火加油，放入麵轉細火，煎香兩面，攪散／鬆再均勻煎至焦香，加入蔥頭，蒜蓉，炒勻。
5）加入醬料撈勻，轉大火，加入銀芽韮菜撈勻，上碟，面灑上芝麻，完成。

芋泥麻糬巴斯克蛋糕

第一次整芋泥麻糬餡蛋糕，可以話比預期更理想。

芋泥材料﹕（6寸）

芋頭 200g (淨肉)
糖     35g
牛奶 10g

麻糬材料﹕
木薯粉 30g
糖        15g
牛奶     150g

蛋糕材料﹕
忌廉芝士 250g
糖            65g
雞蛋        2隻
淡忌廉    140g
低筋麵粉 17g

做法﹕

1. 把芋頭切薄片，蒸30分鐘。

2. 然後將芋頭壓成芋泥，加入糖拌勻，然後逐少加入牛奶拌勻。

3. 將模具鋪上牛油紙，然後倒入芋泥壓實，放涼備用。

4. 木薯粉、糖和牛奶加入小鍋，開小火加熱攪拌成糰後熄火。然後倒入芋泥面備用。

5. 預熱焗爐210度

6. 將忌廉芝士打至幼滑後，加入糖打勻。

7. 將雞蛋逐一加入打勻，再加入淡忌廉打勻。

8. 加入已篩低筋麵粉拌勻

9. 將麵糊過篩入蛋糕模（麻糬面），焗30分鐘。

11. 調高焗爐230度焗5分鐘（顏色至焦）

12. 取出蛋糕，放涼後存入雪櫃4小時以上，然後脫模享用。

七彩粉絲蝦煲

材料：
蝦                300g
粉絲             2小包

洋蔥絲         少許
黃／紅椒絲 各少許
辣椒絲        少許
雞蛋            2個
薑                3片
蒜蓉             2茶匙
乾蔥蓉         2茶匙
蔥段             少許
滾水             400-500ml

調味：
蠔油             1湯匙
生抽             1湯匙
老抽             1茶匙
糖                 1茶匙
麻油              少許
紹酒              少許

醃料：
鹽                  少許
黑椒              少許
紹酒              少許

做法：

1）先將粉絲浸軟，剪開備用。

2）蝦洗淨，抹乾，然後去頭去殼備用。

3）蝦肉加醃料拌勻，備用。

4）雞蛋打散，炒熟，然後弄碎，盛起備用。

5）將洋蔥絲和黃紅椒絲，炒至金黃焦香，盛起備用。

6）薑片炒至焦香，加入蝦頭和蝦殼，煎至焦香（可壓下蝦頭出味），加入滾水蓋過蝦頭，大火煮至剩下約半份蝦湯，加入冬陰公醬1.5茶匙，加蠔油，生抽，糖拌勻，試味。將湯用篩隔走蝦殼，湯備用。

7）將蝦肉煎至8成熟，盛起。

8）爆香蒜蓉和乾蔥蓉，加入洋蔥，黃紅椒炒勻炒勻，再加少許鹽炒勻，再加入辣椒絲炒勻，贊酒炒勻。

9）在鑊中間留出空間，放入粉絲，再加入蝦湯拌勻，當粉絲索乾湯後，加入老抽拌勻。

10）最將蝦肉回鑊，有加入蔥段，然後圍鑊邊加入少許麻油，再加入蛋碎拌勻即可。

班蘭蛋糕

班蘭蛋糕我也有幾款食譜，而今次我係用左椰漿，味道當然一樣好食啦！

為方便自己搜尋，所以決定記錄低。

美式曲奇

第一次做焦化牛油，第一次加黑朱古力，估吾到又幾好味喎，真係好似Mrs Fields 🍪呀！

極品瑤柱臘味蘿蔔糕

2021年最後一爐「Double Turnip Cake 雙重蘿蔔糕」

估吾到都最後一日啦！仲夠敢嚟試新嘢，真係服左自己，咁有膽色。

話說有次睇到美心蘿蔔糕廣告，佢標榜自己用8mm蘿蔔條，加上蘿蔔蓉糕底，搞到我心思思想試吓。

所以趁住今日年三十放早，把握最後機會，做少少嚟證實吓啦！

食後感：蘿蔔糕不但食到一條條蘿蔔條，仲食到啖啖蘿蔔甜味，比起淨用蘿蔔絲嘅蘿蔔糕，真係濃郁好多，正呀！

軟心朱古力麻糬曲奇 (綠茶、朱古力)

今日已經連續第三日做麻糬曲奇啦！今日吾想再一樣，所以轉轉做法。首先餅皮做左兩款口味（綠茶同朱古力）。另外，就係個餡，將麻糬包入70%黑朱古力，變為軟心朱古力麻糬。雖然材料大致相同，但今次又係另一種食法，都吾錯呀！

呢批曲奇係阿女order，所以佢嘅朋友又有口福啦！

屋企嘅麻糬餡已沽清啦！得閒又要做定一批看門口啦！

瑤柱臘味芋頭糕 - 2021

仲有幾日就過年啦！今年又點會少得佢。登...登...登...凳...阿仔至愛「芋頭糕」呀！

今年有d改變，就係變左少量製作啦！因為少食多滋味嗎！

一出爐就急不及待試食，點知試食都試左1/4底啦！因為實在太好味呀！哈哈。

麻糬朱古力曲奇

其實好耐之前，阿女已經點名，話想食麻糬朱古力曲奇，但我就從來冇諗過會整，哈哈。

直至最近，吾知挑起邊條筋（可能patpat痕），走嚟玩呢D。

其實近幾年，我已用homemade做拜年手信，冇再買糖果啦！因為嫲嫲婆婆們都年紀大啦！所以好少食糖果。

今日係我第一次整麻糬曲奇，所以都有Ｄ緊張，好驚麻糬效果吾理想。雖然之前都整過大福／糯米糍，但今次做餡，就真係未試過（食都少）。如做過糯米糍都應該知，個糯米皮如隔夜／雪過都會變硬，所以我好想找一個不變硬嘅方法。

上網搜尋過資料，指麵糰內加入水麥芽，就可以令麵糰雪不硬，係咪真係咁神奇？好啦！今日就嚟個測試。

其實麻糬只須好少水麥芽，不過.....因為買吾到小裝，所以.....哈哈....唯有成桶嚟啦！吾想再周圍搵啦！雖然咁大桶，而且仲有d誇張，但其實只係$33.5咋（如常用，都好抵）。

拉到咁長都吾斷，就知幾軟糯啦！

呢個就係傳說中的拉絲麻糬啦！

枝竹羊腩煲

原來已有三年冇煮過羊腩煲啦！

1月頭網購凍肉，見到有新產品＂紐西蘭羊腩＂，而且仲做特價，所以就買左兩包試吓。仔女知我買左羊腩，就一直不停吹我煮，足足提住三個禮拜。

因為冰箱已被打爆，所以我專登安排遲D送貨（29/1送貨），大家比Ｄ耐性，吾好咁心急啦！今日終於可以煮啦！大家終於有得食啦！

今次煮法同3年前吾同，除左醬料外，仲加左竹蔗，陳皮同檸檬葉。估吾到味道又真係幾好味喎！不過就功夫多Ｄ囉。

鳳凰馬蹄糕 - 2021

其實今年打算吾整馬蹄糕，但因為今日要煮羊腩煲，要用馬蹄，所以咪買多Ｄ整埋囉。今日買到又大又靚嘅馬蹄，$14斤，仲一粒都冇爛呀！

今次加左吉士粉同椰漿，顏色真係靚好多。

傳统古法年糕 - 2021

今年第一批年糕比爐啦！1大6細，全部將會陸續送出。屋企當然有得食，就係兩個迷你裝啦！

今年都係去渣華道街市買糖，但檔口原來已經已結業，咁唯有去第二間買啦！不過其實全場得兩間有賣咋，仲要淨低好少貨，冇乜選擇，感覺亦吾太靚。

今年蔗糖價格貴左好多，要$28斤呀！大糖就$10包(大小同價)，比舊年貴左$2。返到屋企即刻秤吓，點知(蔗糖)原來比人呃秤，得520g，少左80g，吾會再幫襯，冇下次。

瑤柱臘味蘿蔔糕 - 2021

話咁快，仲有一個月又過年啦！希望疫情盡快消失，大家可以從回正常生活。

雖然仲有一個月先過年，但阿女已急不及待，日日吹住我整蘿蔔糕同芋頭糕啦！佢話吾想過年時食糕，要在過年前食喎，究竟呢個係咩玩法！？

今年最特別係，阿女竟然為我準備埋臘腸呀！好啦！既然佢咁想食，就早Ｄ整比佢食啦！今日先嚟整個蘿蔔糕，下星期先整芋頭糕啦！

今年想轉吓新口味。所以食譜內加入左蝦米（希望香Ｄ），同埋改左少少調味（希望顏色白Ｄ）。

出爐啦！等我即刻試吓味先，味道比往年嘅嚟得簡單和清淡，又是另一種食法。雖然蘿蔔份量比以往少了一半，但出嚟又吾多覺（少）喎。

OK，呢個味道我都幾滿意，可以再encore。

土鳳梨酥 (4S)

第一次用4S焗鳳梨酥，效果比水波爐好得多，吾會焗到出晒油。

其實個餡已是10月時做的，不過一直都懶吾願郁。今日終於的起心肝，係時侯要做Ｄ嘢啦！但今日只做一半，留番一半遲D再做，吾想一次做咁多，食住15個先啦！

土鳳梨酥＞做法按此

鳳梨餡＞做法按此