聖安娜品味法國Taste of France工作坊

好開心，今日被邀請出席「聖安娜品味法國Taste of France工作坊」，可以跟專業餅師一齊製作法國麵包同酥點。

除左可以親手製作兩款麵包酥點外，更可在麵包發酵空檔時，試食了3款法國酥，3款迷你法國酥及2款法國麵包。導師還示範如何處理放置一段時間嘅酥點，就算隔日也可吃到新鮮出爐嘅味道。

另外，大會和聖安娜也非常貼心，不但為每位blogger準備樽裝水，更安排每組一位導師，全程從旁細心指導（每個步驟），讓每位blogger都可以容易掌握。

工作坊完結後，大會更準備了8款麵包酥點給各參加者，仲係隨意揀隨意攞添。各人都揀得好興奮，攞得好開心呢！可惜只得一對手啊！哈哈。今日真係玩得好開心，好滿足，人人都滿載而歸。

T55（麵包）及T65（酥點）麵粉

場地佈置

品味法國系列

在麵糰發酵空檔時，大會安排大家試食。

還有介紹如何處理已放置一段時間的酥點

牛角酥切開，會看到內部蜂巢紋路，即代表「正」。

再試看橫切面，都係一樣「正」。

食品生產副董事總經理Jason，為大家示範朱古力包。

更示範酥皮製作過程
（機器輾薄及人手加工）

繼續為大家示範牛角酥造型

終於輪到自己動手做啦！

（因時間關係，大會已預先準備了麵糰，我們只需造型及後期加工。）

Jason的成品出爐啦！

大會亦準備了很多新鮮出爐麵包

個個都又圓又大呀！（1個已佔1/4個盒）

嘩！今日不但有得玩有得食，仲有得拎添。睇吓！包，全部都係包，真係好滿足呀！大家估吓有幾多個？。。。。。答案係24呀！！哈哈。

～ 4x牛角酥／4x朱古力包／4x牛奶漩渦／5x朱古力酥／7x芝士煙腿酥 ～

懷舊馬仔（薩琪瑪）

馬仔係我兒時經常會食到嘅小食之一，仲記得當時會有小販推住木頭車，停響屋企樓下，車裡面疊滿一層層馬仔，諗起那些年，並吾多小食選舉，所以馬仔真係陪住我地長大。

不過隨著時代轉變，依家已經好難食到，就算有（奇華），都已經吾係兒時嘅味道了，真係好懷念呀！講真，其實我已經吾係好記得係咩味道啦！只記得好味。

早幾日睇電視，見到介紹手造馬仔，又被勾起我嘅回憶，見介紹好似都吾難，最難咪只係撈糖漿，哈哈。所以我就定起心盰，一定要趁今日放假試吓。

其實做馬仔，材料好簡單，糖度可以自己增減，切粒切條都冇問題。今日我用左麵包機幫手搓麵糰（8分鐘麵糰模式），真係好方便。不過因為第一次，所以做得未夠滿意，吾滿意嘅係壓得吾夠實，所以切得吾夠整齊。另外，糖漿份量爭少少，麵條切得大左少少。哈哈。

＊以下食譜份量，我已調整啱啦！

我切左兩種大細，呢個係一般size。

呢個你迷你版，比一般細一半。

英式鬆餅 Scone（2）

早幾日先做過英式鬆餅，估吾到咁快就encore。講真的，自家製鬆餅真係好食過街㗎。無論搽果醬或淨食，都一樣咁好味。就算隔左兩日，都一樣咁好味（冇翻焗）。

今次變吓造型，試吓印曲奇模，出嚟效果靚吾靚呀？仲有呀！今日我冇蝦碌啦！有掃蛋啦！不過今次改左少少食譜，就係加左黑加侖子乾同黃糖，所以出嚟顏色比上次深。

英式鬆餅 Scone

第一次整scone，原來都吾係想像中咁難啫。

今日發生少少蝦碌，就係忘記入爐前掃蛋液（明明預備好），好彩冇影響味道啫。嗚嗚嗚。哈哈哈。

Scone其實都有好多吾同做法，有D會加酸奶，有D又會加梳打粉。而造型，有D會係圓，有D會係三角，但我就做左簡單嘅正方。其實做咩食譜，做咩形狀都吾緊要，最緊要係啱自己，自已鍾意就得啦！

因阿仔同阿女都吾鍾意食果乾，所以今次我做左原味。因大家都鍾意食香口嘢，所以我就做細個D，咁就可以多D脆邊啦！

椰賓

今日放假，留響屋企冇出街，休息吓，順便執吓廚房，清理吓過期食品。見仲有時間，就整Ｄ包食吓啦！

之前買左一包椰絲，本來我係諗住整雞尾包架，不過今日諗諗吓，又想食椰賓喎，所以就轉左整椰賓啦！

如果大家都想食椰賓，就記住預先做左個餡先，因為做起嘅餡會比較瀉，所以要雪吓企身Ｄ先用得架。

椰蓉餡做法

甜麵糰做法

將麵糰碌平成長方形，然後塗上椰蓉餡。

將麵糰捲起，切件（2-3cm厚），切口向上。

二發至兩倍大

放入已預熱180度焗爐，焗15分鐘。

椰蓉餡

材料：
無鹽牛油　40g
砂糖　　　40g
椰絲　　　40g
蛋　　　　40g

做法：

1. 將全部材料拌勻，放雪櫃雪至凝固備用。

椰子戚風蛋糕

話咁快又到左最後一日假期啦！聽日又要返工啦！

放左幾日假，日日都出左街，趁今日冇街去（今晚至去），就整番個復活節蛋糕啦！吾係一個，係兩個至真。一個屋企食，一個送比人。

雖然只係簡單戚風蛋糕，但都好好食㗎，戚風蛋糕少油又冇添加劑，仲超軟熟，真係百吃不厭。