蔗汁桂花f糕

今日天氣實在太熱，真係吾想在街多逗留，當完成要做嘅事情，立即9秒9返屋企。

天時暑熱，有咩好得過食番d凍野呢！不如就整番件凍糕嚟食吓啦！不過拿起手要做，都要睇吓做得d乜先。屋企有馬蹄粉，又有蔗冰糖，淨係爭左樣馬蹄。冇得做馬蹄糕，咁就轉做蔗汁桂花糕啦！

之前買左個新模，都未有機會用，今次就順便試埋個新模啦！

甘露酥

今日係我第二次做甘露酥，原來對上果次已有年幾啦！

尋日做左紅豆餡，諗住今日整大福，點知屋企D手粉過左期，所以咪要轉軚做第二樣野囉。但人算不如天算，屋企竟然得番一隻蛋，OMG！不過吾緊要啦！唯有吾掃面囉，只係個面dry少少啫，嘻嘻。

其實傳統甘露酥吾係用紅豆餡架，不過我鍾意食自家製紅豆蓉，咁咪變左用紅豆餡囉。

生磨芝麻糊

依家出街食碗糖水，閒閒地都要過廿蚊，如果想食碗巧手多工序嘅就更加貴。好似一碗有濃香芝麻味嘅芝麻糊，就收你廿幾蚊。

其實煮糖水一d都吾難，自家製仲真材實料，無添加，食得安心又健康。最重要係同一個價錢，可食到4倍嘅份量。以後吾好再出街食啦！自己郁手做吓啦！

今日我就煮左個芝麻糊，廿分鐘都吾洗就有得食啦！

乳酪果凍對拼杯

今日同大家分享一款超簡單、零失敗、冇難度、容易做，仲係無火煮食，夏日透心涼，有樣有內涵嘅懶人甜品『啫喱粉+乳酪=甜品杯』。

今次男主角揀左啫喱粉，大家聽完會即刻問「吓！啫喱粉？吾係掛！咁普通？冇咩特別啵，咪又係啫喱！」。No！No！No！啫喱粉其實吾單只可以整啫喱，其實仲可以做出千變萬化，五星級效果嘅甜品呢！只要動下腦筋，花點心思，加點創意，就可以做出不一樣嘅啫喱甜品啦！以後，食啫喱都可以食得好精彩。

而女主角方面，我就搵嚟健美小姐＂乳酪＂，只要將男女主角好好配搭，就會上演一場好戲（色彩繽紛，顏色吸引嘅。。。夏日吸睛甜品）。

無論係氹吓自己，氹吓屋企人，招呼朋友，開party，大食會，生日會，什至用嚟呃like都好，都係一款吾錯嘅選擇，相信一定可以成為大家嘅亮點。

暑假又開始左啦！各位粉絲媽咪，有冇諗過趁住呢個假期，同囝囝囡囡嚟個親子入廚樂呢？呢款甜品一定好受小朋友歡迎。

一次過做齊三款味道，梗有一款啱胃口。

～（左）黑加侖子乳酪果凍／（中）菠蘿乳酪果凍／（右）士多啤梨乳酪果凍～

椰汁馬豆糕（大菜版）

今次用左第二個煮法做馬豆糕，上次係用全粟粉，今次就係用大菜加粟粉。效果當然吾一樣啦！我個人會比較呢個做法，因為成功率接近100%。用全粟粉，有好多朋友都會煮過火，太杰，影響外觀。但今次大菜加粟粉就吾會啦！效果平滑，糕面絕對吾會凹凸不平。吾信？即管可以試做吓。嘻嘻。

朱古力燕麥鬆餅

自從姐姐放大假返左印尼後，不知不覺原來已經閉關左個幾月啦！今次我真正做到完全停產，零作品。

除左家人同事們冇得食我嘅出品外，其實粉絲們都被我冷落了一段日子，真係有d抱歉，吾知大家有冇掛住我呢？！

等左咁耐，大家有冇變左長頸鹿呢？吾洗再等啦！今日我終於復出啦！因為姐姐7.1.1（11/7）已回歸啦！

呢段日子，其實我都有得著架，就係醫好左我嘅強迫症。呢段日子，我學識了放鬆，不再強迫自己，不再為出post而不斷去做。

從今日開始，我只會為想食去做，為無聊去做，為得閒去做，盡量令自己做得輕鬆，零壓力。

牛油卷

原來有十日冇做甜品啦！因為天氣太熱，搞到冇晒心情。再加上阿女去左畢業旅行，冇觀眾嗎！

今晚吾洗煮飯，見有時間，所以整定d包明天做早餐。